Астанада футбол жанкүйерлерін қосымша автобустар тасымалдайды

23 наурыздан бастап Астанада футбол жанкүйерлері үшін қосымша автобустар жолға шығады.

Қазақстан мен Словения құрамалары арасындағы футбол матчына келетін астаналық жанкүйерлер үшін қосымша қалалық және қала маңындағы маршруттар қарастырылады.

«Қосымша қалалық және қала маңындағы № 10, 12, 26, 28, 37, 40, 51, 53, 60, 30, 37 маршруттарын жеткізу ұйымдастырылады. Матчтан кейін автобустар аялдамаларда жанкүйерлерді күтеді» делінген «City Transport Systems» ЖШС мәлімдемесінде.

Сондай-ақ жол жүру ақысы 90 теңге. Төлем банктік аударым, көлік картасы немесе QR кодын сканерлеу арқылы жүзеге асырылатыны көрсетілген. Жеңілдетілген көлік карталары да жарамды.

Бұрын хабарланғандай, 2024 жылғы Еуропа чемпионатының іріктеу кезеңіндегі Қазақстан мен Словения арасындағы ойын 23 наурызда «Астана Арена» стадионында өтеді.

Матч 21:00-де басталады.