Астанада фитнес клубы өртенді

Астанада 19 наурыз күні таңертең танымал фитнес-клубтардың бірінен өрт шықты.

Төтенше жағдайлар министрлігінің баспасөз қызметі хабарлағандай, 19 наурызда сағат 08:50-де елордалық төтенше жағдайлар департаментінің өрт сөндіру бөлімдері Байтұрсынов көшесі, 9 мекенжайы бойынша жолға шықты.

Оқиға орнында фитнес-клубтың бу бөлмесінің ағаш қаптамасында 20 шаршы метр аумақта өрт шыққаны анықталды. Өрт сөндірушілер келгенге дейін 40-қа жуық  келушілер ғимараттан өз беттерінше шығып кеткен.

Өрт сағат 09:26-да сөндірілді. Құрбандар мен зардап шеккендер жоқ.