Астанада есірткі өндіретін зертхана табылды

Астанада прокуратура уәкілетті органдармен бірлесіп психотроптық заттар өндіретін есірткі зертханасын тапты, деп хабарлайды Orda.kz.

Тергеу нәтижесіне қарасақ, айыпталушы контейнерді жалға алып, оны қала маңында сатып алынған учаскеге апарғаны белгілі болды. Контейнерден психотроптық заттарды заңсыз өндіруге арналған құралдар табылды. Ал жер астындағы зертханадан 24 келіден астам тыйым салынған заттар тәркіленіп, жойылды.

Сот шешімімен үш айыпталушы есірткі заттарын заңсыз өндіргені және сақтағаны үшін айыпты деп танылып, 10 жылдан 11 жыл 3 айға дейін бас бостандығынан айырылды.