Астанада ер адам мұнара кранынан құлап, қаза тапты

Астанада мұнаралы кран машинисі қаза тапты.

Елордалық полиция департаментінің баспасөз қызметі ақпаратты растады.

Жұмысшы краннан түсу кезінде биіктіктен құлап, қаза тапты.

«Осы факті негізінде абайсызда адам өліміне әкеп соққан құрылыс жұмыстарын жүргізу кезінде қауіпсіздік ережелерін бұзу бабы бойынша қылмыстық іс қозғалды. Тергеу жүргізілуде, қажетті сараптамалар тағайындалды» деп хабарлады полиция департаменті.

Бұл бап алты жылға дейінгі мерзімге бас бостандығынан айыру түріндегі жазаны қарастырады.