Астанада екі медициналық клиниканың басшысы ұсталды

Аталмыш іске қатысты айыпталушы заңсыз 682 млн теңге жымқырған, деп хабарлайды Orda.kz.

ҚМА-ның елордалық департаменті прокуратурамен бірігіп, әлеуметтік медициналық сақтандыру қорының қаражатын жымқыру фактісі бойынша екі жекеменшік емхананың басшысына қатысты тергеу жүргізіп жатыр.

2022 жылы Қор мен клиникалар арасында жылжымалы медициналық пойыз қызметтерін қоса алғанда, жалпы сомасы 2,4 млрд теңгеге медициналық қызметтер көрсетуге шарттар жасалды.

«Жобаны іске асыру басталғаннан кейін аталған клиника басшылары алаяқтық схема ұйымдастырып, медициналық көмекті іс жүзінде алмаған пациенттер туралы ақпараттық жүйеге көрінеу жалған мәліметтер енгізген. Атап айтқанда, жалған диагноз бен көрсетілмеген қызмет тіркелген. Күн сайын жалған түрде тіркелетін пациенттер саны 90-нан 150 адамға дейін жеткен. Нәтижесінде клиникалар нақты көрсетілмеген медициналық қызмет үшін Қор қаражатынан заңсыз түрде 682 млн теңге алған», деп мәлімдеді ҚМА. 

Сондай-ақ, 2024 жылдың қаңтар айында қылмыстық жолмен алынған табыстың бір бөлігі — 364 млн теңге — клиникалар басшысы мен оның жұбайының жеке есепшоттарына аударылған. Күдікті қамауға алынып, оның Испаниядағы үйі мен Астана қаласындағы пәтеріне және автокөлікке тыйым салынды. Тергеу жұмыстары әлі де жалғасып жатыр.

Оқи отырыңыз:

• Бюджет қаражатын ұрлаудың алдын алудан ҚМА 103 млрд теңге үнемдеді
• Қаржылық мониторинг агенттігі Жаңабыловтар отбасын өз бақылауына алды
• «Qarmet» зауытындағы 1,8 млрд теңге ұрлығы: Әнипа Назарбаеваның серіктесі қамауға алынды