Астанада бойжеткенге шабуыл жасаған ер адам ұсталды

Астанада 20 жастағы бойжеткенді тонамақ болған ер адам ұсталды, деп хабарлайды Orda.kz порталы.

Ол үй есігіне жақындай бергенде белгісіз ер адамның орындықта отырғанын байқаған. Ішке кіргеннен соң ер адам шабуыл жасап, оны тонамақшы болған. Абырой болғанда қыз оқиға орнынан қашып үлгерген.

«Жедел-іздестіру іс-шараларын өткізу барысында «Есіл» ауданы ПБ криминалдық полиция қызметкерлері күдіктіні анықтады. Ол бұрын тонаумен сотталған 29 жастағы қала тұрғыны болып шықты. Тінту кезінде одан ас үй пышағы табылды» деп хабарлады полициядан.

Аталған факті бойынша қылмыстық іс қозғалды. Ер адам Астана қаласы ПД уақытша ұстау изоляторына қамалды.