Астанада Ashyq жобасына қатыспайтын мекемелердің жұмыс уақыты қысқарады

Нұр-Сұлтанда «Ashyq» жобасының қатысушылары емес кафелер мен мейрамханалар жұмыс уақытын 20 сағатқа дейін қысқартуы мүмкін.

Толығырақ Orda.kz сайтында.

Елорданың бас мемлекеттік санитарлық дәрігері Сархат Бейсенованың айтуынша, жобаға қатысушылар барлық күндері 24 сағатқа дейін жұмыс істей алады.

— Жобаға қатысу коронавирустың таралуын болдырмауға көмектеседі. Себебі ол келушілер мен қызметкерлерді қорғайды. Қауіпсіз жоба арқасында кинотеатрлар, фитнес-клубтар, бассейндер, театрлар сияқты көптеген нысандар жұмысын қайта бастады. «Ashyq» жүйесі бойынша жұмыс істейтін бизнес нысандары барлық күндері 24 сағатқа дейін жұмыс істей алады. Ал басқаларына демалыс күндері жұмыс істеуге тыйым сала отырып, тек 22 сағатқа дейін рұқсат етіледі, - деді Бейсенова.

«Ashyq» жобасы дегеніміз не? Қоғамдық мекемеге кірер алдында пайдаланушы арнайы QR-кодты сканерлейді және оны кіреберісте әкімшіге ұсынады. Код келушінің мәртебесін анықтайды.

Егер адам коронавирусқа ПТР тестін тапсырып, оң нәтиже алса, оған «қызыл» мәртебе беріледі. Қызыл статусты адамдарға үйде оқшаулану тапсырылады.

«Сары» аурумен байланыста болған адамға беріледі. Оларға азық-түлік алуға немесе үйдің жанындағы дәріханаға баруға рұқсат етіледі. Бірақ басқа қоғамдық орындарға баруға тыйым салынады.

«Көк» - ПТР-тестілеу нәтижелері жоқ, ауру адаммен байланысқа түспегендер. ПТР-тест міндетті орындардан басқа барлық жерде еркін жүре алады.

«Жасыл» – келуші деректер базасында COVID-19-ға теріс нәтижемен ПТР-тестілеуден өткен адам ретінде белгіленген, бұл толық қозғалыс еркіндігінің белгісі.