Астанада ашаршылық құрбандарының мүсініне макияж жасаған әйел жазаланды

Астанада 36 жастағы әйел ашаршылық құрбандарына арналған мемориалға келіп, ескерткіш мүсіндерге макияж істеген, деп хабарлайды. Orda.kz.

Бейнежазбада әйелдің сөмкесінен боянатын заттарды шығарып, ескерткіштерге бояу жағып тұрған сәті анық көрінеді. Оқиға орнына дереу полиция қызметкерлері келіп, оған ескерту жасаған. Әйел өз әрекетін «жай ғана солай істегім келді» деп түсіндірген.

«Вандализм деген — қоғамдық және тарихи-мәдени нысандарды қасақана бүлдіру. Мұндай құқықбұзушылық заң бойынша әкімшілік немесе қылмыстық жауапкершілікке әкеледі. Мәдени мұраны қорғау – әр азаматтың міндеті. Ортақ құндылықтарды бірге сақтайық!», – деп жазылған полицияның ресми хабарламасында

Полиция департаментінің хабарлауынша, құқық бұзушыға қатысты әкімшілік хаттама толтырылып, 200 мың теңге көлемінде айыппұл салынған.