Астанада Антикор жедел жәрдем станциясының басшысын ұстады

Сыбайлас жемқорлыққа қарсы қызмет Астана қалалық жедел жәрдем станциясының басшысы Мұрат Оразбаевты ұстады.

Департамент қамауға алынғанын растады, бірақ тергеу мүддесі үшін басқа мәліметтерді жарияламады.

Бұған дейін Orda.kz қалалық жедел жәрдем станциясының бұрынғы жүргізушісі туралы жазған болатын. Нұрлан Еркебұлан тілшіге мекеменің көлік паркінің әбден тозығы жеткенін, басшылық қызметкерлердің еңбек құқықтарын жүйелі түрде бұзатынын айтты.

Еркебұлан президент атына ұжымдық үндеу жазып, оны алдымен ондаған әріптесі қолдап, кейін қолдарын қайтарып алуды сұрады. Жүргізушінің айтуынша, бұған басшылардың жұмыстан шығарамын деп қорқытуы себеп болған.