Астанада Абай күні тойланады

Елорда билігі 10 тамызда Абайдың туған күніне орай Астанада қандай шаралар өтетінін мәлімдеді.

Елорда әкімдігінің баспасөз қызметі хабарлағандай, ұлы ақын, ағартушы Абай Құнанбаевтың туған күніне орай ғылыми конференциялар, мектептерде тәрбие сағаттары, викториналар, 70-тен астам түрлі іс-шаралар ұйымдастырылады.

Абай күніне арналған мереке сенбі күні сағат 9:00-де Абай ескерткішіне гүл қою рәсімінен басталады.

Сағат 11:00-де Жазушылар аллеясында (Егемен Қазақстан көшесі, 9) «Абай руханиятының алтын қазығы» атты әдеби-сазды кеш өтеді.

Сағат 11:00-де журналистер саябағында (Кенесары көшесі) «Алдымда ақын Абай-Темірқазық!» атты әдеби кеш өтеді.

Сағат 20:00-де Есіл өзенінің жағасында (Арбат) Абай әндерін насихаттау мақсатында «Домбыра party» өтеді. Сондай-ақ 10 тамызда Арбатта Абайдың өмірі мен шығармашылығына арналған викторина ұйымдастырылады. 

Осы ретте 14 тамызда ҚР Ұлттық академиялық кітапханасында «Ұлылар мекені...» экспедициясының қорытындысы бойынша ғылыми конференция өткізу жоспарлануда.