Астанада 9 жасар қызды мас еркек ұрламақ болды

Астанада мас ер адам 9 жасар қызды ұрламақ болды. Көршілер бұл жағдайды байқап, қызды қорғап қалды.

Бұл туралы Orda.kz хабарлады.

Мас ер адам 9 жасар қызды балалар алаңынан алып кетуге тырысты. Қыз артынан ер адам түскенін біліп, ашық алаңқайдан кеткісі келмей, көршілерге жүгіріп барады. Куәгерлер сақшыларға оқиғаның мән жайын түсіндірді.

«Бала былай қарай жүргенде бұл артынан жүрді. Қыз алаңнан кеткісі келмей, қайта алаңға жүгіріп кірді. Сосын мен жүгіріп бардым да: «мына ер адамды білесің бе?» деп сұрадым. Ол: «жоқ» деп жауап берді. Ол оны білмейтінін білген соң, қасымызға отырғыздық. Ал мас ер адам қызбен таныс сияқты түр танытып, «Катя, үйге жүр» деп, оның жай үйге барғысы келмей тұрғанын айтты. Ол осы тұрған бәрімізді алдамақ болды», — деді куәгер.

Orda.kz редакциясы Астана қаласының полиция департаментіне осы мәселенің мән-жайын сұрастырып хабарласқан болатын.

«Күдікті ұсталып, полицияға жеткізілді. Оқиғаның мән-жайы анықталуда» — деп жауап берді полиция басқармасы.