Астанада 18 млн доллар айналымы бар Sax Invest қаржы пирамидасы құрықталды

Астанада 18 млн доллар айналымы бар Sax Invest қаржы пирамидасына қатысты тергеу басталды, деп хабарлайды Orda.kz.

Қаржылық мониторинг агенттігінің мәліметінше, компания 3000-нан астам салымшыдан қаражат тартып, ай сайын 2-3% дивиденд және Анголадағы алмаз өндірісіне инвестиция уәде еткен. Алайда, пайыздық төлемдер жаңа қатысушылардың ақшасымен төленіп, барлық қаражат ұйымдастырушылардың жеке карталарына аударылып отырған.

«Компанияға кіру, шақыру сілтемелері арқылы жүзеге асқан. Бонустар жаңа салымшыларды тарту арқылы көбейіп, оларды компанияның ішкі жүйесінде басқа адамға аудару арқылы қолма-қол ақшаға айналдыруға болатыны айтылған. Барлық салымшылардың қаражаты компанияның есепшотына емес, ұйымдастырушылардың жеке банктік шоттарына аударылған. 2018 жылдың қаңтарынан 2022 жылға дейін 3000-нан астам адам тартылып, айналымы 18 млн доллар болды» делінген хабарламада.

Қазіргі таңда, ұйымдастырушылардың бірі қамауға алынып,тергеу жұмыстары жалғасуда.