«Астана ветсервис» мекемесі 100 миллионға қаңғыбас ит-мысық аулайды

Қалалық бақылау және сапаны бақылау жөніндегі басқарманың бұйрығымен 100 миллион теңгеге «Астана ветсервис» мекемесі қаңғыбас иттер мен мысықтарды аулау, күтіп-ұстау және жою бойынша жұмыстар жүргізеді.

Қызметтердің құны бір жылға есептелген. Былтыр дәл осы қызметке 90 миллионнан астам теңге бөлінген.

Мемлекеттік бюджеттен жыл сайын қаңғыбас жануарларды ұстауға және жоюға тек «Астана ветсервисінде» кемінде 100 миллион теңге кетеді. Сонымен қатар, соңғы бес жыл ішінде компания 648 миллион теңгеден астам келісімшарт жасасты.