Астана тұрғыны имамды 13 жерден пышақтап кеткен

Астанада ер адам имамды 13 жерінен пышақтап кеткен. Имам ауыр халде ауруханаға түсті.

716.kz порталы хабарлағандай, 13 наурыз күні Жібек жолы ауылының тұрғындары осы имамға неке қидырған. 14 наурызда әйелімен жанжалдасқан ер адам мешітке барып, имамды 13 жерінен пышақтап кеткен.

Астана полиция департаментінің баспасөз қызметі оқиғаға қатысты түсініктеме берді.

«Оқиғаға қатысы бар ер адам ұсталды. Ол уақытша ұстау изоляторына қамалды. Тергеу мүддесіне қатысты соталды тергеудің өзге де мәліметтері ҚР ҚК 201-бабы негізінде Қылмыстық іс жүргізу кодексі жария етуге жатпайды» деп қорытындылады полиция.