Астана шетелдік инвестиция тарту бойынша 7-ші орында

2022 жылы елорданың негізгі капиталына салынған инвестиция көлемі 1,4 трлн теңге болды.

Жан басына шаққандағы негізгі капиталға салынған инвестиция 3,2 пайызға артып, 1 миллион теңге болды. Бүгінгі таңда елорда шетел инвестициясын тарту бойынша 7-ші орынға шықты.

Бұл туралы «Astana Invest» арнайы экономикалық аймақтарды дамыту департаментінің директоры Дияр Асқаров мәлім етті.

— Бүгінгі таңда Астанада инвестициялық жобалардың бірыңғай пулы құрылды, ол 26 мыңға жуық жаңа жұмыс орнын құрумен жалпы сомасы шамамен 2,3 трлн теңге болатын 262 жобаны, оның ішінде өңдеу өнеркәсібінде – барлығы 82 жобаны қамтиды. Осыған байланысты 249,9 млрд теңге болатын 7 мыңнан астам жаңа жұмыс орнын құрылды, - деді ол онлайн брифингте.

Үкімет әлеуметтік-экономикалық аймақты (АЭА ) дамытудың түбегейлі басқа саясатына көшу мәселесін пысықтауда. IP-1 «Астана-Жаңа қала» АЭА аумағында 166 млрд теңгеге 50 жоба бар. Енгізілген 50 жобаның 11-і экспортқа бағытталған.

Өткен жылдың тоғыз айында қала кәсіпорындары 15 миллиард теңгенің өнімін экспорттаған. Негізгі тауарлардың қатарында электровоздар, комбинезондар, тепловоздар, қалпақшалар және т.б. өнімдер Ресейге, Өзбекстанға, Әзірбайжанға, Түркияға жеткізіледі.