«Астана» сербиялық «ТСЦ»-ны жеңді

«Астана» футбол клубы  УЕФА Конференция лигасында өз өнерін сәтті бастап, топтық кезеңнің алғашқы матчында сербиялық «ТСЦ Бачка-Топола» командасын өз алаңында жеңіп шықты, деп хабарлайды Orda.kz.

Ойын Алматыдағы Орталық стадионда өтті. 1:0 есебімен «Астана» жеңіске жетті. Матчтағы жалғыз голды литвалық легионер Кипрас Кажуколовас бұрыштан берілген доптан кейін ойынның 15 минутында соқты. Бұл жеңіс «Астанаға» турнирлік кестеде үш ұпай әкелді. Топтық кезеңде клуб әлі бес матч ойнайды және тек сегіз команда ғана Конференция лигасының 1/8 финалына шығады.