Астана полициясы ұсталған жаңаөзендіктерге қатысты пікір білдірді

Астана полициясы Жаңаөзеннен келген жұмысшылардың ұсталуына қатысты түсініктеме берді.

Полицияның айтуынша, Қазақстан заңнамасы бойынша бұқаралық жария іс-шаралар жергілікті атқарушы органдарды халықтың тіршілігін қамтамасыз ету объектілерінің қалыпты жұмыс істеуіне кедергі келтірмейтін шараларды қабылдай отырып, осы үшін арнайы бөлінген орындарда алдын ала хабардар ете отырып жүргізілуі тиіс.

«Митингілердің «Бейбіт жиындар туралы» заңды бұзуына байланысты жергілікті атқарушы органдарға митинг өткізуге, сондай-ақ мәслихаттың жергілікті шешімі тізбесінде бекітілмеген жерде рұқсат етілмеген митинг өткізуге өтінімнің болмауы себепті полицияға акцияның бірқатар ұйымдастырушылары мен белсенді қатысушылары жеткізілді» деп хабарлады Астана қалалық ПД.

Полиция департаментіндегілер бейбіт жиынның қатысушылары әкімшілік жауапқа тартылуы мүмкін екендігін де айтты.

«Тәртіп бұзушылар ӘҚБтК- нің 488 және 667-баптары бойынша әкімшілік жауапкершілікке тартылады. Бұл ескертуге немесе отыз айлық есептік көрсеткіш мөлшерінде айыппұл салуға не он бес тәулікке дейінгі мерзімге әкімшілік қамауға алуға тең. Олардың іс-әрекеттеріне қолданыстағы заңнамаға сәйкес құқықтық баға берілетін болады» деп атап өтті ПД.