Астана полициясы жүріп бара жатқан автобустан құлаған әйел туралы түсінік берді

Тәртіп сақшыларының айтуынша, әйелдің жүріп бара жатқан автобустан құлаған сәті видеоға түсіп қалған оқиға бір ай бұрын болған, деп хабарлайды Orda.kz.

«Оқиға биылғы жылдың 25 қаңтарында Сәтбаев көшесінде болған. Автобус жүргізушісі жолаушылардың толық отырғанына көз жеткізбей, аялдамадан мінген әйелдің автобустан құлап кетуіне жол берген»  деп хабарлады полицейлер.

Жолаушының зардап шекпегені, ал жүргізушінің тасымалдау ережелерін сақтамағаны үшін жауапқа тартылғаны хабарланды.

Бұған дейін әлеуметтік желіде автобустың адамдар мінген аялдамадан шығып бара жатқаны бейнеленген видео тараған болатын. Алайда жолаушылар көлігінің есігі күтпеген жерден ашылып кетеді. Жолаушылардың бірі тұтқадан ұстамақшы болады, бірақ ұстап үлгермей тас жолға бірақ құлаған.