«Астана» «Лудогорецті» жеңді

«Астана» УЕФА Еуропа лигасының үшінші іріктеу кезеңіндегі ойында «Лудогорецті» жеңді.

Ойын екі қырлы болып шықты. Есепті 35-минутта қонақтар ашты. Ноа Сонко-Сундберг гол соқты. Үзіліске аз уақыт қалғанда Жарко Томашұлы есепті теңестірді – 1:1. Ал екінші таймда Александр Марочкин жеңіс голын соқты – 2:1.

«Эмоционалды түрде ең қиын матч. Біз бірінші болып жіберіп алдық – баланың қателігінен, оған дейін гол соғатын мүмкіндіктер саны жеткілікті болғанымен: доп жай ғана қақпаға енбеді. Бірақ біз ойынды тоқтатпай, екі гол соқтық. Ойын жоспарымыз 70 пайызға орындалды»деді «Астананың» бас бапкері Григорий Бабаян.

Қарымта кездесу 18 тамызда Разградта өтеді.

«Біз матч бойы «Астананы» жеңе алмадық, сондықтан жеңіліп қалдық. Бірақ бұл біздің жекпе-жектен шығып қалдық дегенді білдірмейді. Кейінірек «Аякспен» ойнау үшін өз алаңымызда жеңіске жетуге тырысамыз»дейді Лудогорец қорғаушысы Ноа Сонко Сундберг.

Еске салайық, бұл екі жақты текетірестің жеңімпазы Амстердамдық «Аяксқа» қарсы ойнайды.