«Астана күнінде» отшашу бола ма? Көлгінов жауап берді

Нұр-Сұлтан әкімі Алтай Көлгінов ел астанасының туған күніне орай отшашу болмайтынын мәлімдеді.

Бұл туралы Orda.kz хабарлайды.

Орталық коммуникациялар алаңында өткен қаланың әлеуметтік-экономикалық дамуы туралы есеп беру кездесуінде Көлгінов қала тұрғындарының бұл күнді күтетінін айтты.

– Қала күні – қала тұрғындары үшін ерекше күн. Адамдар тойлағысы келеді, көбі оны күтеді. Бірақ эпиджағдайға байланысты біз жоспарларымызды өзгерттік. Жыл басында жоспарда болды, бірақ қазір бас санитар дәрігердің талаптарын ескере отырып, барлық іс-шаралар онлайн форматқа көшуде. Ал көшедегі іс-шара әлеуметтік қашықтық пен санитарлық талаптарды ескере отырып жүргізілетін болады, – деп жауап берді әкім ОКҚ онлайн-брифингінде журналистердің сұрақтарына жауап бере отырып.

Оның айтуынша, елорда күнін әлеуметтік бағытта өткізу жоспарланған. Бұл күні кезекте тұрғандарға 400 пәтер беріледі, үлескерлердің 20-ға жуық көппәтерлі тұрғын үйін пайдалануға беру жоспарлануда, сондай-ақ 50-ден астам абаттандырылған аула пайдалануға беріледі. Қала басшысы атап өткендей, елордада зағип балаларға арналған балабақша ашылады.

Сондай-ақ ол қала күніне орай ешқандай да отшашу жоспарланбағанын атап өтті. 

Әкімдіктің баспасөз қызметі атап өткендей, эпидемиологиялық жағдайды ескере отырып, елорда күніне арналған іс-шаралар онлайн-форматта өтеді.

Сонымен қатар, 6 шілде Қазақстанның экс-президенті Нұрсұлтан Назарбаевтың туған күні. Осы жылы ол 81 жасқа толады.