Астана электр қуатынсыз қалды

Астананың оң жағалауындағы бірнеше аудан жарықсыз қалды.

Жергілікті тұрғындар судың жоқтығына, мобильді интернет сапасының төмендігіне де шағымданды.

Энергетика министрлігінің баспасөз қызметі хабарлағандай, «Астана-Энергия» ЖЭО-2-де қысқа тұйықталу салдарынан электр беру нашарлады. Қуат 30 минут ішінде қалпына келтіріледі.

«2023 жылғы 29 қазанда сағат 21:58-де қалалық электр желісі  бойында апаттық өшіру орын алды, себебін анықтап жатырмыз. «Астана-РЭК» қосалқы стансасының шектеуі бойынша: «Астана» қосалқы стансасы, «Городская» қосалқы стансасы, Орталық қосалқы станция, Промзона, ВПР, Степная, ЧЛЗ, ПНФ бар» деп хабарлады Энергетика министрлігінің баспасөз қызметі.

Белгілі болғандай, электр қуатының үзілуі су құбыры мен кәріз жүйесіне де әсер еткен.

«Барлық азаматтарды сорғылар жұмыс істеп тұрғанда су қорын жинақтауын сұраймыз. Мен тек сумен қамтамасыз ету туралы айта аламын» дейді «Астана су арнасы» коммуналдық кәсіпорны.

Естеріңізге сала кетейік, бұған дейін 3-ЖЭО-дағы апат салдарынан Қарағандының бірнеше ауданы жарықсыз қалған болатын. Жергілікті тұрғындар бұл оқиғаны кешегі нөсерден қала көшелері мен ғимараттарын су басқанымен байланыстырады.