Astana Hub интернеттегі PR-ға 150 миллион теңге жұмсайды

Orda.kz редакциясы аудит нәтижелерінен кейін Astana Hub өз шығындарын үнемдей бастағанын тексеруді шешті.

Спойлер: жоқ. Mitwork бірыңғай электронды порталындағы сатып алуларды зерттей келе, Orda.kz тілшісі 2022 жылы Astana Hub PR материалдарына 150 миллион теңге жұмсайтынын анықтады.

Сәуір айында Astana Hub технопаркі имидждік және жарнамалық қызметтерге арналған лоттарды жариялады:

– БАҚ-та Astana Hub бренді мен экожүйесінің танымалдылығын арттыруға 17 миллион теңге жұмсау туралы шешім қабылданды. «ENDORPHINALA» ЖШС 30 материалды қазақстандық республикалық және аймақтық басылымдарда, сондай-ақ шетелдік интернет-ресурстарда жариялайды;

- Astana Hub қызметі туралы әрқайсысы 5 минуттан тұратын 7 имидждік бейнероликті дайындауға 11,5 миллион теңге жұмсалады. Сіз бұл бейнелерді Astana Hub ресми аккаунттарында тамашалай аласыз;

– Astana Hub іздеу жүйелерінде және әлеуметтік желілерде мақсатты жарнаманы орналастыруға 82,5 млн теңге жұмсайды;

– 28,8 млн теңгеге Astana Hub-тың IT саласындағы жетістіктері туралы 17 бейнеролик жасауға жұмсалады;

– Facebook пен YouTube желісінде тікелей эфирге тағы 7 миллион теңге бөлінді.

Жуырда Есеп комитетінің «Цифрлық Қазақстан» бағдарламасының жүзеге асырылуына қатысты жүргізген аудиті жарияланды. Есеп комитеті «Зерде» ұлттық инфокоммуникация холдингі ғана емес, оған қарасты «Astana Hub» технопаркінің жұмысын жобаның рентабельділігі төмен және бірқатар қаржылық бұзушылықтарға байланысты сынға алды.