«Астана» футбол клубы өзінің жылдық бюджетін жариялады

«Астана» футбол клубының бюджеті 5 млрд теңгені құрайды, дейді клуб өкілдері.

Клубтың ресми сайтында БАҚ-та оның бюджеті туралы қате ақпарат тарап жатқаны айтылды.

«Бірқатар БАҚ «Астана» футбол клубының 15 млрд теңге бюджеті туралы ақпаратты жариялады. Клуб бұл соманы асыра сілтеп жібергенін айтады: клубтың 2021 жылға арналған бюджеті 5 млрд теңгені құрайды» делінген клуб сайтында.

Еске салсақ, 26 қазанда «Астана» ФК-ның бірнеше бұрынғы басшылары 2018 жылмен 2021 жылдар аралығында 370 млн теңгені жымқырды деген күдікке ілінгені анықталды.

10 қарашада Vesti.kz сайтына клубтың бас директоры Михаил Гурман мен экс-бас директор Давид Лория «Астана» футбол клубындағы қаржы жымқырды деген күдікке ілінгені туралы хабарланған болатын.

17 қарашада Сыбайлас жемқорлыққа қарсы қызмет «Астана» футбол клубының бұрынғы басшылығына қатысты тергеу жүргізіп жатқанын мәлімдеген.