«Астана» ФК: экс-басшылыққа қатысты тергеу жүріп жатыр

«Астана» футбол клубының бұрынғы басшылығына қатысты сотқа дейінгі тергеуге байланысты сыбайлас жемқорлыққа қарсы ведомствода түсініктеме берді.

Сыбайлас жемқорлыққа қарсы қызмет «Астана» футбол клубының бұрынғы басшылығына қатысты тергеу жүргізуде. Ведомство сотқа дейінгі тергеп-тексерудің басталғанын растады.

«Сыбайлас жемқорлыққа қарсы қызмет «Астана» ФК басшылығының өтініші бойынша клубтың ақшалай қаражатын жымқыру фактісі бойынша бұрынғы басшылыққа қатысты сотқа дейінгі тергеу жүргізуде. Футболшылардың (легионерлердің) агенттеріне олардың сыйақыларын төлеу арқылы ақша қаражатын алу туралы ақпарат тексеріледі» деп хабарланған жемқорлыққа қарсы қызмет ақпаратында.

Тергеу құпиясына сәйкес, іске қатысы бар адамдар және істің қалай жүріп жатқаны туралы толық ақпарат айтылмады.

Бұған дейін «Астана» ФК төңірегінде өрбіген жанжал туралы ақпарат Telegram-арналардың бірінде пайда болған еді.