Астана әуежайы ауа райының қолайсыздығына байланысты уақытша жабылды

Астана халықаралық әуежайы ауа райының қолайсыздығына байланысты түскі сағат 12-ге дейін жабылды, деп хабарлайды Orda.kz.

Әуежайдың баспасөз қызметі хабарлағандай, шектеулер сағат 09:30-дан 12:00-ге дейін енгізілген.

«Қазір елорда әуежайына келген 27 рейс кейінге шегерілді. Сондай-ақ әуе компаниялары әуежайда ұшып-қону үшін ауа райының қолайсыздығына байланысты рейстерін кейінге қалдыру туралы шешім қабылдады» деп хабарлады әуежай қызметі.

Қазгидромет бұған дейін Астанада 30 және 31 желтоқсанда қарлы боран мен көктайғақ болады деп болжаған болатын. Бұл ретте 30 желтоқсанда желдің екпіні бір метрге дейін кейде 23-28 м/с жетуі мүмкін.