Астана аспанында байқалған белгісіз жарықтар көпшіліктің қызығушылығын туғызды

Астана тұрғындары түнгі аспанда көрінген ерекше жарық құбылысына куә болды, деп хабарлайды Orda.kz.

Қаланың әр түкпірінен түсірілген бейнежазбалар әлеуметтік желілерде кең таралып, қызу талқыланып жатыр.

Куәгерлердің айтуынша, аспанда бірнеше секундқа созылған жарқын от ұшқындары байқалған. Бұл құбылыстың нақты табиғаты әзірге белгісіз. Алайда тұрғындар арасында түрлі болжамдар айтылуда. Бірі мұны комета, метеориттер дейді.

Тағы бір нұсқа бойынша, мұндай жарықтар әдетте ғарышқа ұшырылған зымырандардың бөлінген сатылары атмосферада жанып жатқанда пайда болады. Егер Байқоңыр ғарыш айлағынан зымыран ұшырылған болса, бұл құбылыс сонымен байланысты болуы да мүмкін.

Ресми мәліметтер мен түсініктемелер әзірге жарияланған жоқ.