Астана әуежайында 1 тамыздан бастап автотұрақ қымбаттайды

Тамыз айының басынан Р1, Р2, Р3 аймақтарында автотұрақ құны 100 теңгеден 200 теңгеге дейін өседі, ал Р4, Р5, Р6 аймақтарында сағатына 50 теңгеден 100 теңгеге дейін өзгереді.

Бұл туралы әуежайдың ресми әлеуметтік желілері хабарлайды.

Әуежайдағы автотұрақ құнының қымбаттауы коммуналдық қызметтердің қымбаттауына байланысты.

Сонымен қатар, тегін алып кету және түсіру аймағына күніне екі реттен артық бару үшін 300 теңге алым алынады.

Бұл ретте әуежайдың жабық тұрағының құны өзгеріссіз қалды – 12 сағатқа – 1400 теңге, тәулігіне – 1800 теңге, 12-24 сағатқа – 2000 теңге.