Астана 11 жаңа зауыт ашуды жоспарлап отыр

Олардың жалпы құны 16,8 млрд теңгені болады. Биыл Астанада жалпы құны 16,8 млрд теңгені құрайтын 11 жоба пайдалануға беріледі деп күтілуде, деп хабарлайды ҚазАқпарат.

«Ағымдағы жылы жабық жоғары вольтты вакуумдық ажыратқыштар өндірісін жолға қою, газдалған бетон блоктарынан талшықты цемент плиталарын шығаратын зауытты іске қосу, темірбетон бұйымдарын шығаруды ұйымдастыру күтілуде. Үш жоба бойынша да құрылымдар салынып бітті, пайдалануға беруді күтудеміз», - деді елорда мәслихатында өткен жиында «Astana Invest City» даму орталығы» АҚ басқарма төрағасының орынбасары Арсен Меңдіғазиев.

Оның айтуынша, тағы 8 жоба - ағаш құрамы бар құрылыс тақтайлары бұйымдарын шығару, элеватор зауыты, қаптама кірпіш және еден плиталарын шығаратын зауыт, инновациялық энергия үнемдейтін материалдар шығару, құрылыс материалдарын өндіру, кабельді жарықдиодты өнімдер өндірісін кеңейту, сондай-ақ радиостанцияларды өндіру және балкон жұптарын жасау бойынша шағын зауыттары бар.

«Құрылыстар көптеген жобалар бойынша салынды. Биылғы жылдың бірінші және екінші жартыжылдығында пайдалануға беріледі деп күтеміз», - деп қосты спикер.