Әскерилер тұтқындарды азаптаған: апелляция не шешті?

Қарағанды облысының №62 мекемесінің қызметкерлері мен Ұлттық ұланның әскери қызметшілері сотталғандарды азаптаған, деп хабарлайды Orda.kz. 

Әскери сот тұтқындарды азаптағандардың апелляциялық шағымын қарады. Мекеме бастығы мен оның орынбасарына 6 жыл 6 айға бас бостандығынан айыру тағайындалған. Қалған 8 сотталушы 4 жыл 6 айға сотталған. 

Белгілі болғандай, сотталушылар камерада өздеріне бағынбаған 11 тұтқынды қолдарымен, аяқтарымен, резеңке таяқшаларымен соққыға жыққан. Жәбірленушілер түрлі дене жарақатын алды. Болған оқиға камераға түсіп қалған. 

Сотталғандар «қылмыс құрамының болмауына байланысты» ақтауды сұрады. Әскери сот бірінші сатыдағы сот үкімін өзгеріссіз қалдырды.