Әскери мерзім ұзартылады

Мемлекеттік Дума Ресей азаматтығын алғысы келетін шетелдіктердің жағдайын қиындатты.

Бұл туралы мемлекеттік думаның баспасөз қызметі хабарлады.

Мемлекеттік Дума Ресей азаматтығын алған шетелдіктер үшін әскери қызмет мерзімін екі жылға дейін ұлғайтуды және олар үшін әскерге шақыру жасын ұлғайтуды ұсынды. Сонымен қатар, Ресей азаматтығын алу үшін әскери тіркеуде болуы шарт. 

«Мемлекеттік Дума Ресей азаматтығын алған шетелдік азаматтар үшін әскери қызмет мерзімін екі жылға дейін ұлғайтуды және олар үшін әскерге шақыру жасын ұлғайтуды ұсынды. Парламенттің төменгі палатасы тиісті түзетуді көктемгі сессияның соңына дейін қарауды жоспарлап отыр», - деп хабарлайды Мемлекеттік Думаның баспасөз қызметі.

Сонымен қатар, Ресей азаматтығына қабылдау шарты төлқұжат алумен бір мезгілде өтетін әскери тіркеу болуы мүмкін. Мемлекеттік Думаның төрағасы Вячеслав Володин  бастаманы дайындауды ұсынды. Тиісті тапсырма оның орынбасары Ирина Яроваяға, сондай-ақ қорғаныс комитетінің төрағасы Андрей Картаполовқа, ақпараттық саясат және коммуникациялар комитетінің төрағасы Александр Хинштейнге және «Единая Россия» фракциясы басшысының бірінші орынбасары Дмитрий Вяткинге берілді.

Ресей заңнамасына сәйкес, Ресей азаматтығын алған шетелдік азамат тұрғылықты жері бойынша тіркелген күннен бастап екі апта ішінде әскери қызметке тіркелуі керек. Ресей азаматтары үшін әскерге шақырудың ең жоғары жасы - 30 жас.