«Әскери бөлімдегі әлімжеттік»: Сарбаз жансақтау бөлімінен шықты

Отардағы әскери бөлімде комаға түскен Нұржігіт Әбділпатта ауруханадан шығарылды. Ол 24 маусымда комадан шыққан еді. 

Бұл туралы «Dariger» республикалық қоғамдық ұйымының жетекшісі Айгерім Сейітова өзінің  Instagram парақшасында хабарлады. 

«Ұлымның қазірде жағдайы өте жақсы. Біз бұған өте қуаныштымыз. Ұлымның айығып кетуіне үлес қосқан барлық дәрігерге алғыс айтамын. Ұлымның жағдайы айтарлықтай жақсарады деп күтпеген едік», — деді Нұржігіт Әбділпаттаның анасы.

19 жастағы Нұржігіт Әбділпатта Жамбыл облысындағы Отар ауылында орналасқан 30212 әскери бөлімінде қызмет етті. Жас сарбазды ауруханаға жатқызғаннан кейін туыстары оның әлімжеттік құрбаны болуы мүмкін деген болжам жасады.

Қазақстан Президенті Қасым-Жомарт Тоқаев оқиғаның мән-жайын мұқият тергеп, кінәлілерді жауапқа тартуды талап етті.

Еске сала кетсек, Orda.kz жансақтау бөліміне түскен 19 жастағы Нұржігіт Әбділпатта есін жиғаны жайлы жазған болатын.