Әскердегі сарбаздардың несиелері тоқтатылды

2024 жылдың 20 қыркүйегінде Орталық коммуникациялар қызметінде өткен брифингте Қазақстан Республикасы Қорғаныс министрлігі Тәрбие және идеологиялық жұмыс департаментінің бастығы Тілеухан Басқожаев қазіргі әскерге шақырылғандардың бұрынғы несиелері көлемін атады.  Бұл несиелер бойынша төлемдер бүгіннен тоқтатылды.

Тілеухан Басқожаев әскерге шақырылғандардың әскери борышын өтеу мерзімінде несие төлеу тоқтатылғанын еске салды.

«Неліктен несиелік демалыстар енгізілгенін түсіну үшін мен сізге сандарды атайын. Бүгіннен бастап олар әскерге келгенге дейін алып үлгерген 2 миллиард теңгеден асатын несиелер бойынша төлемдер уақытша тоқтатылды. Жалпы, 40 мыңнан астам сарбаз  7 млрд теңгеден астам несие алған», - дейді ол.

Қорғаныс министрлігінің ресми өкілі Руслан Жанғұлин биылдан бастап барлық әскердегі сарбаздар үшін автоматты түрде несие мерзімі ұзартылатынын қосты.

«Егер есептер болсақ, бүгінде 6 мыңнан астам сарбаздың 1 миллиард 828 миллион теңге болатын қарыздарының мерзімін ұзартты», - деп түсіндірді ол.