«Әскер 2 жыл болуы керек»: Ринат Зайытов әскердегі былықты әшкереледі

«Қорғаныс министрлігі өкілімен бір ұсынысты талқыладық. Сол кезде қоғамдық ұйымдар әскери бөлімшелерге кіре алу керек дедік. Министрліктегілер «Сендер шпиондарға жол ашып беріп отырсыңдар» деген. Мен сол кезде айтып едім «Олар сенің қару қоймаңа бармайды, құжаттарыңа қол сұқпайды, ол тек барып казарманы тексеріп кетеді» деп. Әскердегілердің істеп жүргені іш пысқандық. Қазір сарбаздарға біреудің бақшасын қаздырады, біреудің қорасын соқтырады. Міне, әскердегі мәселе. Бұны қадағалайтын да, тексеретін де адам жоқ. Біз қайғылы оқиға болған кезде ғана шулаймыз. Кейін ұмытып кетеміз. Әскер керек. Шекарамызды блогер мен әншілер қорғамайды. Сарбаздар қорғайды. Тіпті, маған салса баяғы 2 жылдық әскерді қолдар едім. Министр мен әкімнің баласы әскерге барса, осындай былықтар болмайды»,-  деді Ринат Зайытов.