Қасіретті қаңтарда ұсталғандардың туыстары Алматы қаласының прокуратурасына басып кірді

Қасіретті қаңтардағы тәртіпсіздікке қатысты деген күдікке ілінген азаматтардың отбасылары тұтқындарды босатуды талап етіп жатыр.

Алматы прокуратурасының алдына 30-ға жуық адам жиналып, билікпен кездесуді талап етті. Талаптардың ішінде: ұсталғандарды босату, сондай-ақ медициналық көмек көрсету бар. Әйелдер туыстарының кінәсіз екенін алға тартып отыр.

Дана Әбілдаеваның айтуынша, прокуратура өкілдері жиналғандарға ертең арыз жазып келсін деп айтқан.

Еске салсақ, тәртіпсіздікке қатысты деген күдікпен ұстау қаңтар айының басында басталған. Ұсталғандардың жақындары олардың кінәсіне сенбей, өз беттерінше дәлел жинағандары да белгілі.