Қасіретті қаңтар кезінде ереуілшілердің қатарына кімдердің қосылғаны белгілі болды

Қазақстанда қаңтардың басында болған бейбіт шерушілердің қатарына діни ағым мүшелерінің шыққаны белгілі болды.

«Қасіретті қаңтар» деректі фильмінде «Йакын Инкар» діни ағымының мүшелері болған делінген.

Сондай-ақ, онда Қазақстанда тыйым салынған ұйымның бірнеше жақтасы ұсталғаны айтылған. Олардан қарулар, гранаталар, оқ патрондары мен діни кітаптар табылған.

Айта кетсек, 2018 жылы қазан айында елордалық сот «Йакын Инкар» ұйымын экстремистік деп таныған.

Бас прокуратура бұл ұйымының Қазақстанда тыйым салынған «Таблиғи жамағат» экстремистік ұйымының бір қанаты екенін анықтады.

«Ұйымның мақсаты – конституциялық құрылысты күшпен өзгертуді, егемендікті бұзуды, оның ішінде Қазақстан аумағында халифат құруды көздейді. Бұл ұйымның жақтаушылары басқа діндердің өмір сүру құқығын үзілді-кесілді жоққа шығарады және олармен қақтығысы болады деп болжайды. Ал бұл діни экстремизм ұғымына жатады» делінген 2018 жылғы сот есебінде.