AsiaCredit Банк таратылады: депозиттерге не болады?

Бүгіннен бастап клиенттердің және банктің банктік шоттары бойынша барлық операциялар тоқтатылды. Бұл туралы Қаржы нарығын реттеу және дамыту агенттігі хабарлады.

Агенттік «AsiaCredit Bank» АҚ-ның бағалы қағаздар нарығында банктік және өзге де операциялар мен қызметтерді жүргізуге лицензиясынан айыру туралы шешім қабылдады.

Банкте 23 174 жеке тұлғаның депозиттері бар, олардың жалпы мөлшері шамамен 19 миллиард теңгені құрады.

Банктың жабылуына негіз болды:

• пруденциалдық нормативтерді және басқа да міндетті стандарттар мен лимиттерді жүйелі түрде (қатарынан күнтізбелік он екі ай ішінде үш және одан да көп рет) бұзу;
• жүйелі түрде (күнтізбелік он екі ай ішінде үш және одан да көп рет) қадағалау шараларын сақтамау;
• банктің ірі қатысушысының уәкілетті органның қосымша капиталдандыру жөніндегі талаптарын орындамау.

ҚР қаржы нарығын реттеу және дамыту агенттігі АзияКредит Банкінің 2019 жылдың қазан айында пруденциалдық нормативтерді бұза бастағандығын айтты. Ұлттық банк банктің акционерінен активтер портфелін қайта капиталдандыруды талап етті.

Осы уақыттан бастап қаржылық реттеуші банктің жағдайын жақсартуға бағытталған 14 қадағалау жауабын қабылдады және әкімшілік құқық бұзушылық туралы 73 хаттама жасалды.

2021 жылдың 1 ақпанындағы жағдай бойынша AsiaCredit Bank-те 23 174 жеке тұлғаның депозиттері бар, олардың жалпы салымы шамамен 19 млрд.

Департаменттің баспасөз қызметі Агенттік Төрағасының 2021 жылғы 11 ақпандағы №51 бұйрығымен уақытша әкімшілік тағайындалғанын, оған AsiaCredit Bank барлық басқару органдарының өкілеттіктері берілгенін хабарлады. Ол тарату комиссиясы тағайындалғанға дейін жұмыс істейді. Қаржы нарығын реттеу және дамыту агенттігінің қызметкері Ерлан Сәрсенбекұлы уақытша әкімшіліктің басшысы болып тағайындалды.

«2021 жылдың 12 ақпанынан бастап Қазақстан Республикасының заңнамасында көзделген жағдайларды қоспағанда, клиенттердің және Банктің өзіндегі банктік шоттар бойынша барлық операциялар тоқтатылды. Агенттік заңнамада белгіленген тәртіппен сотқа Банк қызметін мәжбүрлеп тоқтату (тарату) туралы өтінішпен жүгінеді», - делінген хабарламада.

Банк салымшыларының 97,7% салымдары кепілдікпен қамтылған.

Барлық мүдделі сұрақтар бойынша «АзияКредит Банкі» АҚ уақытша әкімшілігіне  +7 (727) 330 88 11, +7 (727)355 05 35 телефондары арқылы хабарласуға болады.