Ashyq жобасы бойынша «қызыл» мәртебесі бар адамдардың есімдері жарияланды

Алматы қаласының санитарлық-эпидемиологиялық бақылау департаменті Ashyq  жобасы бойынша «қызыл» мәртебесі бар тұрғындардың тізімін жариялады.

Бұл туралы Orda.kz хабарлайды.

Министрлік Ashyq көмегімен өзін-өзі оқшаулау режимін бұзғаны үшін «қызыл» мәртебеге ие 80 қала тұрғынына 30 АЕК көлемінде айыппұл салынғанын айтты (ескерту: АЕК - 2 917 теңге), олар халыққа қызмет көрсету орталықтарына, мейрамханаларға, фитнеске, әуежайға және басқа нысандарға кіруге тырысқан.

Өзін-өзі оқшаулау режимін бұзатын тұрғындар банктердің, университеттердің, сауда орындарының, мейрамханалардың, білім беру ұйымдарының, байланыс, зейнетақы қорларының және басқа да мекемелердің қызметкерлері.

– Осыған байланысты санитарлық-эпидемиологиялық бақылау департаменті азаматтарды өзін-өзі оқшаулау режимін бұзбауға және қоғам алдында азаматтық жауапкершілік көрсетуге шақырады. Инфекция жұқтырған адамдармен байланыста болғандар да өзін-өзі сақтау режимін ұстануы керек, - делінген хабарламада.

Тізімде тәртіп бұзған азаматтардың аты-жөндері аудандарға бөлініп жазылған. Тізімге сәйкес, ереже бұзушылардың көпшілігі Бостандық, Наурызбай және Алатау аудандарында анықталды. Тізімді департаменттің сайтынан көре аласыздар.