АШМ неліктен халықты жергілікті өніммен қамти алмай отыр

Ауыл шаруашылығы министрі Айдарбек Сапаров Қазақстан қазір өзін жергілікті алмамен 80% қамтамасыз ететінін айтады, деп хабарлайды Orda.kz порталы.

Орталық коммуникациялар қызметінде өткен брифинг барысында журналистер министрден қазақстандықтар қашан басқа елдерден әкелінетін жемістердің орнына жергілікті жеміс, көкөністер сатып алатыны сұралған болатын. Өйткені қазір базарлар мен дүкен сөрелерінде негізінен Қытай өнімдері толып тұр.

«Біз дәл осы бағытты қолға алдық. Қазір алманың өзімен 80% қамтамасыз етіледі. 40-50% болған кезде проблемалар болды, несие берілді, мәселені қолдау жөнінде шешім қабылданды. Қалған жемістер бойынша да жоспарымыз бар», - деді Сапаров.

Сондай-ақ Сапаровтан журналистер «осы көктемде көкөністердің жетіспеушілігі және олардың бағасының өсу проблемалары болмай ма?» деп сұрады. Министр дүкендердегі картоптың келісі 120 теңгеден аспайтынын жеткізді. 

«Былтыр нәтиже жақсы болды. Әлі де жақсартып, сапалы тұқым алу керек. Қызанақ пен қиярды да. Егер біз қазір қаржыландыру мәселесін шешсек көктемгі егіс жұмыстарында (...) бізде кредит жетіспесе, онда біз барлық дақылдар өндірісін ұлғайтамыз», - деді министр. 

Министр бірнеше жыл бұрынғыдай картоп пен сәбіз бағасының 600 теңгеге дейін көтерілмейтініне кепілдік бере ала ма, деген сұраққа АШМ басшысы мұндай кепілдіктер бере алмайтынын айтты, өйткені дақылдардың құнына көп фактор, соның ішінде ауа-райы мен климаттық жағдайлар әсер етеді.