Асхат Аймағамбетов қайтадан университет мұғалімі болмақ

Оқу-ағарту экс-министрі Асхат Аймағамбетов жаңа лауазым туралы сөз қозғап, қайтадан университет мұғалімі болатынын мәлімдеді.

Бұл туралы экс-министрдің өзі журналист Нартай Аралбайұлының YouTube арнасына берген сұхбатында айтты.

Бұрынғы білім министрі Асхат Аймағамбетов сұхбатында қазір отбасына уақыт бөліп, әлі жұмысқа тұрмағанын айтты.

Айтпақшы, оның балалары бұл жағдайға қуанған, өйткені министрліктегі  жұмыс оларға үнемі көңіл бөлуге мұрша бермеген. Алайда көп ұзамай Аймағамбетов Қазақстан Республикасының жоғары оқу орындарының бірінде сабақ беруі мүмкін екендігімен де бөлісті.

— Түрлі жұмысқа ұсыныстар бар. Мысалы, мен жоғары оқу орындарының біріне сабақ беруге келістім. Мен мұғаліммін, бұл сала маған әрқашан жағымды және жаныма жақын. Қалай болса да, ұстаздық жұмысты жалғастыруға мүмкіндігім болады, – дейді экс-министр.