Асхат Аймағамбетов вице-министрлерге ұрысып тастады

Мәжіліс депутаты Асхат Аймағамбетов комитет отырысында нақты сөз сөйлмеген вице-министрлерді сынға алды, деп хабарлайды Orda.kz тілшісі.

Мәжілісте әлеуметтік саладағы сыбайлас жемоқорлыққа қарсы іс-қимылдар талқыға түсіп жатыр. Отырыста әр министрдің орынбасарынан жемқорлықтың алдын алу үшін не істеліп жатқаны туралы сұралған болатын.  

Кейбірі нақты баяндама жасағанымен, кейбірі жалпылама сөйлеп, отырыстың уақытын алды. Солардың бірі туризм және спорт вице-министрі Мирас Төлебаев мәжілістің әлеуметтік-мәдени даму комитетінің төрағасы Асхат Аймағанбетовтен сөз естіді.

Бірдеңе түсіндіңіздер ме, әріптестер! 32 деді, 72 деді ол қай сандар? Қандай жүйе, қандай мәселе? Бес минут сөйлеп, бір мәселені ашып айта алмадыңыз, проблеманың шешімін көрсете алмадыңыз. Жалпылама сөз. Бір мәселені де түсінген жоқпыз. Заң жобасы шеңберінде тікелей сыбайлас жемқорлықтың алдын алу бойынша соншалықты нормаларды көріп отырған жоқпыз. Заң жобасын бәрін шеше алатындай көрсетіп отырсыз. Алайда оның ішінде басқа мәселе қамтылып отыр.  Сөз сөйлегеннен кейін нақты проблеманы айтыңыз!, – деді Аймағанбетов.

Осыдан кейін сөз Еңбек және халықты әлеуметтік қорғау бірінші вице министрі Әқмәди Сарбасовқа берілді. Бірақ ол да нақты сөйлемей, Аймағанбетовтен ескерту алды. Содан кейін басқа вице-министрлерді тыңдағысы келмеген депутаттар сұрақ-жауапқа көшті.