Асхат Аймағамбетов жаңа оқу жылының басты міндетін атады

ҚР Білім және ғылым министрі Асхат Аймағамбетов жаңа оқу жылындағы міндеттер туралы айтты.

Бұл туралы Orda.kz хабарлайды.

– Өткен оқу жылында мұғалімдер тарапынан жұмсалған күш-жігердің арқасында пандемия тудырған жағымсыз салдарды біршама азайту мүмкін болды. Енді бізге білімге қатысты жоғалтып, үңірейген орынды толтыру үшін шаралар қолдану қажет. Бұл – жаңа оқу жылы қарсаңындағы басты міндеттердің бірі, - деді Білім және ғылым министрі.

Министр 1 қыркүйектен бастап барлық мектеп оқушылары, колледждер мен жоғары оқу орындардың студенттері дәстүрлі білім беру форматына оралатынын мәлімдеді. Барлық білім беру ұйымдары тиісті санитарлық-эпидемиологиялық жағдайды қамтамасыз етуі керек.

– Педагогтардың 93%-ы және басқа қызметкерлердің 88%-ы вакцина салдырды. Мұның бәрі ерікті түрде. Біздің әріптестеріміз бұл процеске белсенді ат салысады деп сенеміз. Бұл біздің студенттерге де қатысты, - деді Аймағамбетов.