«Әсел Сәдуақасова ажырасты»: Еліміз ажырасудан нешінші орында тұр?

«Келін де адам», «30-ға келіп тұрмысқа шығу» сынды танымал комедиялық жанрдағы фильмдерге түскен әртіс Әсел Сәдуақасова күйеуімен ажырасып кеткенін мәлімдеді, деп хабарлады Orda.kz. 

Ол 4 қазанда ресми түрде ажырасқанын instagram парақшасына жариялады. 

«Мағжан мен үшін жақын адам және солай болып қала береді. Мен оған бәрін ашық айта алатынмын, сендім және біз бір-бірімізге өте жақын болдық, бірақ тіл табысып кете алмадық», – деді Әсел Сәдуақасова.

Еске сала кетсек, актриса өзінен жеті жас кіші Мағжан Тілеухан есімді азаматқа 2023 жылы тұрмысқа шыққан. 

Өткен жылғы ұлттық статистика бюросының деректеріне зер салсақ, жалпы ажырасу коэффициенті 1000 адамға шаққанда 2,02 болады. Ең жоғары ажырасу деңгейі Шығыс Қазақстан облысында тіркелді – 1000 адамға 3,14, ал ең төменгі көрсеткіш Түркістан облысында байқалды – 1000 адамға 0,89. Осылайша, 2023 жылы некеге тұрған 1000 отбасының 333 ажырасып кеткен.

Ал әлем бойынша Қазақстан Petrelli Previtera зерттеулеріне қарасақ, ажырасудан көш бастайтын 10 елдің ішінде екінші орында тұр.