Асанәлі Әшімов желтоқсаншыларды қалай «қаралады»?

Журналист Асылхан Мамашұлы қалың көпшілікке 1986 жылғы Желтоқсан оқиғасына арналған «Қилы кезең» жобасының екінші бөлімін ұсынды. Ол бұл шығарылымда желтоқсаншыларды айыптаған мәдениет өкілдерін жіпке тізді. Көтеріліске шыққан қазақ жастарын маскүнем мен нашақорға теңегендер қатарында танымал актер Асанәлі Әшімов, әнші Ермек Серкебаев, ақындар Ғафу Қайырбеков пен Қалижан Бекхожин бар, деп хабарлайды Orda.kz.

1986 жылы желтоқсан айының 21-і күні Вечерняя Алма-Ата газетіне «Бізге өте ауыр» («Нам горько») дейтін үндеу жарияланды. Үндеуде: 

Сонымен қатар, желтоқсаншы жастардың артынан неше түрлі шым-шытырық жалған оқиғалар тараған. «1-Алматыда орыс  балабақшаларындағы балаларды өртеп, қырып кетіпті» деген жалған ақпараттар желдей ескен. Тіпті бұл жаға ұстатар ақпараттар көшеде айқайлап айтылып, елді шошытқан. 

Енді газет бетіндегі үндеуге қайта оралайық. Хатқа қол қойғандар: 
Актер Асанәлі Әшімов, әнші Ермек Серкебаев, ақындар — Ғафу Қайырбеков пен Қалижан Бекхожин, академик Мұрат Айтхожин және Г.Диханбаева мен М.Ахметова деген екі жұмысшы. Хат иелері қазақ жастарының көтеріліске шыққан әрекетіне ұялып отырғандарын да жазған.

Желтоқсан оқиғасына қатысқан саясаткер Дос Көшім сол кездері бұл үндеуді жасағандарға ашуланғанын жасырмады. Бұл үндеу 3 газетке жарияланыпты. 

Асылхан Мамашұлының айтуынша, бірнеше жылдардан кейін үндеу авторларының бірі — Ғафу Қайырбеков ол хатты өзінің сыртынан жазып жібергенін, өзі қол қоймағанын айтып ақталған. Белгілі актер Асанәлі Әшімов те солай айтып басын ала қашыпты. Актер Дос Көшімге хабарласып, үндеу жарияланған уақытта басқа қалада болғанын айтқан. Сонымен қатар, «осы тақырыпта газет-журналдарда менің атымды жаза бересің» деп ренжіген. 

«Қандайда бір оқиға не бастама пайда бола қалса, зиялы қауымның атынан үндеу жариялау Кеңес Үкіметінің дәстүрлі саясаты болатын», — деді Асылхан Мамашұлы.