Аса қауіпті қылмыстар үшін жауапкершілік күшейтіледі

Түркістан облысында бес жасар қызды айуандықпен өлтіргеннен кейін заңнаманы қайта қарау туралы шешім қабылданды.

Еліміздің Бас прокуратурасының хабарлауынша, Тоқаевтың тапсырмасына сәйкес заңнамалық түзетулер әзірленуде. Олар адамға қарсы аса қауіпті қылмыстар үшін қылмыстық жауапкершілікті күшейтуге бағытталады.

«Осы қылмыстар бойынша санкцияларды қайта қарау, жаза тағайындау және босату тәртібін өзгерту, соттылығының күшін жою, адамға қарсы ауыр және аса ауыр қылмыстар үшін жазасын өтеп жатқан адамдарға әкімшілік қадағалауды белгілеу шарттары пысықталуда»  деп хабарлады агенттік.