Аса ірі көлемде алаяқтық жасаған күдікті Қырғызстаннан табылды

Бас прокуратура Қазақстан азаматын аса ірі көлемде алаяқтық жасағаны үшін Қырғыз Республикасынан экстрадициялады, деп хабарлайды Orda.kz. 

Күдікті 2023 жылы Алматыда желдетуге арналған бөлшектер мен кондиционерлерді жеткіземіз деген сылтаумен кәсіпкердің 75 миллион теңгеден астам қаржысын қолды қылған.

Халықаралық іздеу жарияланған алаяқ басқа мемлекетке қашып кеткен. 

Биылғы жылдың мамыр айында ол Бішкек қаласында ұсталып, одан кейін Қазақстан Республикасы Бас прокуратурасының сұрауы бойынша отанына экстрадицияланды.

Қазіргі уақытта күдікті Алматы қаласының уақытша ұстау изоляторына қамалды.