«Аса ауыр қылмыс»: Еңбек мигранттары қатаң тексеріледі

Ресейде Мемлекеттік Дума шетелдік жұмысшыларға қатысты 20-ға жуық заңды қарауға алды. Енді оларға сауда, қоғамдық тамақтану, білім беру және медицина салаларында жұмыс істеуге тыйым салынады, деп хабарлайды Orda.kz. 

Сонымен қатар Білім министрлігі мектеп пен балабақшаға орыс тілін нашар білетін мигрант балалардың санын шектеуді ұсынды. Әрі жыл соңына дейін мигранттарға өз отбасыларын Ресейге әкелуге тыйым салатын заң қабылдануы мүмкін.

Елде заңсыз жүрген шетелдіктердің тізіміне бір рет енген жұмысшылар көлік жүргізе алмайды, банктік қызметтерді пайдалану құқығынан айырылып, некесін тіркей алмайды. 

Заңсыз миграция аса ауыр қылмыс санатына жатқызылады. Ол үшін 15 жылға дейін бас бостандығынан айыру көзделген.