Асқар Маминге қатысты қылмыстық іс қозғалған жоқ

ҚР Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов бұрынғы премьер-министр Асқар Маминге қатысты қылмыстық істің жоқтығын айтты.

Бұл туралы Сарқұлов Орталық коммуникациялар қызметінде өткен брифингте айтты.

Еске салайық, бұрынғы премьер-министр Асқар Маминге қатысты қылмыстық іс қозғалды деген қауесет тарады. Бұл оның «ҚТЖ-дағы» қызметі туралы туындауы мүмкін. Ол кеткен кездегі ұлттық компанияның қарызы 8 миллиард долларды құраған.

5 қаңтарда елдегі жаппай тәртіпсіздіктерге байланысты Қазақстан президенті Қасым-Жомарт Тоқаев Асқар Мамин басқарған үкіметті отставкаға жіберген болатын.

Мамин 2019 жылдың ақпанынан бері премьер-министр қызметін атқарды. Ол дәл COVID-19 қаупіне байланысты елде жалпы карантин және төтенше жағдай режимі кезінде Министрлер кабинетін басқарды.