Қаржы вице-министрінің ағасы әкім болып тағайындалды

Әлібек Жақанбаевтың басқа жұмысқа ауысуына байланысты Қуат Сұлтанғазиев Алматы облысындағы Еңбекшіқазақ ауданының әкімі болып тағайындалды.

«Алматы облысы әкімінің өкімімен Қуат Елеусізұлы Сұлтанғазиев Еңбекшіқазақ ауданының әкімі болып тағайындалды» делінген Алматы облысының әкімдігінің хабарламада.

Бұған дейін бұл қызметті Әлібек Жақанбаев атқарған, бірақ ол басқа жұмысқа ауысуына байланысты қызметінен босатылған.

Қуат Сұлтанғазиев 1975 жылы дүниеге келген. Еңбек жолын Еңбекшіқазақ облысы бойынша салық басқармасының инспекторы болып бастаған. Одан кейін «Казкоммерцбанк» АҚ және басқа да жеке ұйымдарда түрлі қызметтер атқарған. 2020 жылдың ақпан айынан бастап «Аграрлық несие корпорациясы» АҚ Алматы филиалының директоры болып жұмыс істеді.

Қазақстан қор биржасының (KASE) мұрағатында 2015 жылға арналған «Қазақстан Ипотекалық Компаниясы» ипотекалық ұйымының еншілес тұлғаларының тізімі бар. Онда «Даму» басқармасының басқарушы мүшесі ретінде аталған Қанат Сұлтанғазиевтің туыстарының тізімі берілген. Бүгінде ол «STL group» ЖШС вице-президенті. Құжатқа сәйкес оның Марат және Қуат атты екі ағасы бар. Марат Сұлтанғазиев – қаржы вице-министрі.