Қаржы вице-министрі пара алғаны үшін төрт жылға бас бостандығынан айрылды
Бұрынғы қаржы вице-министрі Руслан Еңсебаев пара алғаны үшін кінәлі деп танылып, төрт жылға бас бостандығынан айрылды.
Мұндай шешімді бейсенбі күні Есіл ауданы №2 аудандық сотының судьясы Бақытжан Есенов шығарды.
– Сот баптарды басшылыққа ала отырып 387 – 390, 393, 395 – 398, 401, 402 қылмыстық іс жүргізу кодексінің үкімімен Руслан Еңсебаев ҚР Қылмыстық кодексінің 366-бабының 2-бөлігінде көзделген қылмыстық құқық бұзушылық жасағаны үшін кінәлі деп танылып, оған осы бап бойынша қылмыстық-атқару жүйесінің орташа қауіпсіз мекемелерінде жазасын өтей отырып, 4 жыл мерзімге бас бостандығынан айыру түріндегі жаза тағайындалсын, – деп Есенов үкімді оқыды.
Сот бұрынғы қаржы вице-министріне бұлтартпау шарасын кепілден күзетпен ұстауға дереу өзгерту туралы шешім қабылдады. Күзетпен ұстау мерзімі үкім заңды күшіне енген күннен бастап есептелсін. Ал ҚР ҚК-нің 62-бабының 3-бөлігі 2-тармағына сәйкес бас бостандығынан айыру түріндегі жаза мерзімі 2021 жылғы 23 қыркүйектен бастап үкім заңды күшіне енгенге дейін қылмыстық-атқару жүйесі мекемелерінде жазасын өтеу кезінде 1,5 күн үшін 1 күн есебімен қамауда ұстау уақыты есептелсін.
Бұдан басқа, Еңсебаев өмір бойы мемлекеттік қызметте, мемлекет қатысатын компанияларда және квазимемлекеттік секторда лауазымдарды атқару құқығынан айрылды.
Сондай-ақ, сот ҚР ҚК-нің 366-бабының 2-бөлігі бойынша ақпарат және қоғамдық даму министрлігі ақпарат комитеті төрағасының бұрынғы орынбасары Әлібек Ескендіровтің 2 млн 350 мың теңге көлемінде пара алғаны үшін кінәлі деп танып, оны 4 жылға бас бостандығынан айырды.
– Сот қаржы министрлігінің бұрынғы вице-министрі –Еңсебаев, Байбосынов пен Бұхарбайдан «Әл-Фараби Partners» ЖШС-нің қаржы министрлігінде цифрландыру жобаларын ақпараттық сүйемелдеу бойынша қызметтерді сатып алу конкурсында ұтқаны үшін 1,2 млн теңге сомасында пара алғанын анықтады.
Ескендіров министрліктегі ақпарат комитеті төрағасының орынбасары болды, «Әл-Фараби Partners» ЖШС мен «Астана қаласының теледидары» ЖШС арасында қосалқы мердігерлік жұмыстарды орындау үшін шарт жасасу кезінде құжаттарға қол қоюды жеделдеткені үшін Бұхарбай мен Байбосыновтан 2 млн 350 мың теңге сомасында пара алды. Сотталушылардың кінәсі куәгерлердің айғақтарымен, банктік шоттардың үзіндісімен дәлелденді, – деп түсіндірді сот.
Сондай-ақ қабылданған антты бұзуды ауырлататын жағдай деп танығанын түсіндірді. Сондықтан Еңсебаевқа және Ескендіровке жазаны нақты өтеу түріндегі жазаны – 4 жылға бас бостандығынан айыруды тағайындау әділетті деп санайды.
Жаңалықтар
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Оның тамағын кеңсе пышағымен кесіп тастады: сот үкім шығарды
- Павлодар облысында педофил ұзақ мерзімге бас бостандығынан айырылды
- Феминистер Қуандық Бишімбаевтың үкіміне наразылық білдірді
- Сот Жәмила Маричеваны кінәлі деп танып, айыппұл салды
- Салтанат Нүкенованың ағасы сот үкіміне қанағаттанатынын айтты
- Бақытжан Байжанов 4 жыл бас бостандығынан айыру туралы шешімге разы емес
- Қуандық Бишімбаев 24 жылға сотталды
- Алматы тұрғыны өзге біреудің көлігін өртеп жіберіп, оны видеоға түсіріп алған
- Мемлекет басшысы Мәдениет және ақпарат министрі Аида Балаеваны қабылдады
- Атыраудағы су тасқынының шарықтау шегіне 4-5 күн қалды
- Қуандық Бишімбаев пен Бақытжан Байжановқа қатысты сот үкімі сағат 17:00-де шығады
- Шымбұлақ аспалы жолдарды жабады
- Қазақстан тағы да Ресейден үлкен арақ импорттаушы елге айналды
- Итті басып өткен депутат айыппұлмен құтылады
- «Семей орманындағы» өрт: қорық басшылығына үкім шығарылды
- Өзбекстан биыл Қазақстанға егістіктерді суару үшін 922 миллион текше метр су беруге уәде берді