Қаржы пирамидасының басшылары ұсталды

«QI-Trade Kazakhstan» қаржылық пирамидасының директорлары ұсталды, деп хабарлайды ORDA. Polisia.kz - ке сілтеме жасап.

Алматы қалалық полиция департаменті тергеу басқармасы «QI-Trade Kazakhstan» ЖШС-нің 1990 жылы туған С. есімді және 1994 жылы туған Б. есімді екі директоры ұсталғандығын хабарлады. Олар ҚР Қылмыстық іс жүргізу кодексінің 128-бабы бойынша уақытша ұстау изоляторына қамалды.

«Аталған азаматтардың істері ҚР ҚК-нің 217-бабы 3-бөлігі бойынша қаралады. Бір күн бұрын сот шешімімен қамауға алынды. Іс қозғалып отырған ЖШС-нің бас директоры С. азамат есімді жігітке халықаралық іздеу жарияланған. Қазіргі уақытта оның тұратын мекені мен ұсталуын анықтауға арналған жедел-іздестіру іс-шаралары жүргізілуде. Компания шоттарына шектеу қойылды. Қазіргі уақытта тергеу әрекеттері жәбірленушілер мен аталған серіктестіктің басқа қызметкерлерінің қатысуымен жүргізілуде. Олардың әрқайсысының әрекеттеріне сотқа дейінгі тергеу органы заңды баға береді», - деді Алматы қалалық полиция департаменті бастығының орынбасары Рустем Абдрахманов.